Crickets – ჭრიჭინები
ჭრიჭინები პატარა მწერები არიან, მათ ზომა 2 დან 5 სანტიმეტრამდე მერყეობს. ფერი კი როგორც წესი ყავისფერი ან შავია. თუ თქვენი მცენარის ფოთლებზე ნაღეჭებსა და ხვრელებს შენიშნავთ , სავარაუდოდ თქვენ ჭრიჭინები გყავთ. ეს ნავნებლები როგორც წესი ღამით იკვებებიან დღიით კი იმალებიან. მათი არსებობის დადგენა სპეციფიკური ხმითაც არის შესაძლებელი. ისინი საკმაოდ არასასიამოვნო ხმას გამოსცემენ , თუ თქვენს ბაღში მზის ჩასვლის დროს მსგავსი ხმაური გაიგონეთ ,ესეიგი ჭრიჭინები გყავთ. ისინი ყველაფერს ჭამენ , მათ შესაძლოა მცენარისთვის საზიანო სხვა პარაზიტებიც შეჭამონ , თუმცა მათი უსაზღვრო მადის გამო ამ მწერებს სასარგებლოდ ნამდვილად ვერ მივიჩნევთ. კვერცხებს მიწაზე დებენ , ამიტომ მათი პოვნა ძალიან რთულია. თუმცა არსებობს სხვადასხვა პროფილაქტიკური მეთოდები. არსებობს მიწისქვეშ მცხოვრები ჭრიჭინების ნაირსახეობაც ,ისინი ტალახის პატარა ბორცვებს ქმნიან და ბუნაგს სწორედ იქ იდებენ.
გამოსავალი
- უნდა იზრუნოთ მცენარისათვის განკუთვნილი ადგილის სისუფთავეზე, რათა ჭრიჭინებმა დასამალი ადგილის პოვნა ვერ შეძლონ.
- ორგანული ნიადაგის შენარჩუნება ხელს შეუშლის მიწაში კვერცხების გამრავლებას.
- არსებობენ სხვადასხვა სახეობები , რომლებიც მიწისქვეშა ჭრიჭინებზე ნადირობენ
- ჭრიჭინების თავიდან ასარიდებლად სასურველია მცენარისათვის განკუთვნილ ტერიტორიაზე დაამონტაჟოთ ბადეები და სხვადასხვა წებოვანი ხაფანგები.
- სხვადასხვა ორგანული ხსნარები , როგორებიცაა ნიმის ზეთი და სპინოსადი შეგვიძლია გამოვიყენოთ როგორც ზრდასრულების , ასევე კვერცხების წინააღმდეგ. ამ ხსნარების გამოყენება შესაძლებელია , როგორც ნიადაგზე , ასევე მცენარეზე ან უშუალოდ მწერზე.
